Danek Foundation балалар мен отбасылар үшін білім, мәдениет және спортты дамытады.
| Жыл | Түскен қаражат |
|---|---|
| 2024 | 2 376 819 ₸ |
| 2025 | 2 848 681 ₸ |
Барлық қаражат азаматтардың қайырымдылық жарналары арқылы жиналады.
Қор ашылғаннан бері 6 аз қамтылған отбасымен тұрақты байланыста болып, жүйелі қолдау көрсетіп келеміз. Алдағы уақытта қамтылатын отбасылар санын кеңейту жоспарланып отыр.
Danek Foundation – көпбалалы және аз қамтылған отбасылардың балаларына академиялық қолдау көрсететін қоғамдық қор. Біз білім – баршаға тең мүмкіндік болуы тиіс деп санаймыз.
Қаржылық жағдайына байланысты балаларын қосымша курстарға, спорт секцияларына жаза алмайтын, оқу құралдары мен техникасын сатып ала алмайтын отбасыларға осы шығындарды жабуда тікелей қолдау көрсетеміз.
«Дәнек» сөзі екі мағынаны білдіреді: дән — тұқым, ек — сал. Бұл атау кездейсоқ таңдалған жоқ: біз әр баланың болашақта мықты ағашқа айналатынына сенеміз. Тек оның өсуі үшін өркен кезінен дұрыс жағдай жасау керек.
Біз тек қаржылай ғана емес, сонымен бірге балалардың білім алу мүмкіндіктерін, дүниетанымын және жеке дамуын кеңейтуге тырысамыз – өйткені қоғамдық жағдайы олардың мүмкіндіктерін шектемеуі тиіс.
Командамыздың барлық мүшесі – ерікті негізде жұмыс істейтін волонтерлар:
Әр оқу жылының басында біз балаларды мектеп формасы, аяқ киім, рюкзак және оқу керек-жарақтарымен қамтамасыз етеміз. Отбасылар бізбен бірге дүкенге барып, өздері таңдайды.
2025 жылы — 20 баланы қамтыдық
2024 жылы — 32 баланы қамтыдық
2025 жылдың желтоқсанынан бастап Sawir білім беру орталығымен бірлескен меморандум шеңберінде, балаларға тұрақты онлайн ағылшын тілі курстары ұсынып келеміз. Оқушылардың үлгерімі бақыланып, 3 айда бір рет есеп беріледі. Курстар жеңілдетілген бағамен ұсынылады.
Үлес қосу →
Балаларды кино, концерт және театрға апарамыз. Осы уақытқа дейін балалар ата-аналарымен және еріктілерімізбен бірге 5-тен астам мәдени іс-шараға қатысты.
Үлес қосу →
Оқуға арналған ноутбукті жөндеу, логопед қызметін төлеу, балабақша, уақытша тьютор ақысын жабу — барлық өтініштер жеке қаралады. Отбасы жазбаша өтініш беруі жеткілікті.
Үлес қосу →Қорымыздың жұмысы мен жобалары туралы есептермен танысыңыз.
«SAWIR-DANEK» жобасы бойынша демеушілерге арналған есеп.
Danek Foundation қорының қызметі бойынша есеп.
Kaspi.kz арқылы QR сканерлеңіз немесе түймені пайдаланыңыз.
Қолдауыңызға рахмет! ❤️